Lajme
Qeveria, fal tatimpaguesit borxhli
Pas kërkesës së Ministrisë së Financave, Qeveria e Kosovës ka miratuar vendimin për të lehtësuar ushtrimin e aktivitetit ekonomik të të gjithë tatimpagueseve, si pasojë e gjendjes së vështirësuar ekonomike të krijuar nga pandemia COVID-19.
Përmes këtij vendimi, Qeveria ka mundësuar që të shtyhet bllokimi i llogarive bankare për të gjithë tatimpaguesit që kanë obligime tatimore ndaj Administratës Tatimore të Kosovës (ATK), deri më datë 30.04.2021; lirohen llogaritë e bllokuara të të gjithë tatimpaguesve që kanë obligime tatimore ndaj ATK-së, deri më 30.04.2021; hiqen ndëshkimet për të gjithë tatimpaguesit që kanë detyrime tatimore të pashlyera në ATK, nëse kryejnë pagesën e tatimit bazë dhe interesit deri më 30.06.2021.
Sipas këtij vendimi heqja e ndëshkimeve bëhet për të gjithë tatimpaguesit nëse: Tatimpaguesit bëjnë pagesën e njëhershme të tatimit dhe interesit; Tatimpaguesit bëjnë marrëveshje me ATK-në për pagesë me këste; Tatimpaguesit janë në marrëveshje me ATK-në dhe paguajnë tatimin dhe interesin. (TG)